Kryetari i grupit parlamentar të PD-së, Ekelejd Alibeaj deklaroi sot se Presidenti duhet të jetë konsensual dhe të zgjidhet në tre raundet e para me 84 vota.
Pas ezaurimit të seancës së parë për zgjedhjen e Presidentit pa kandidat, Alibeaj në një prononcim për mediet tha se duhet një President konsensual dhe antikomunist.
Ai tha se ne ia kemi bërë prezent qëndrimin tonë mazhorancës.
“Duhet një president neutral, mbi palët që nuk i përket asnjë pale që të zgjidhet në mënyrë gjithëpërfshirëse dhe transparente. Qëndrimi ynë është i qartë. Kemi bërë një deklaratë të dërguar zyrtarisht dhe të mazhoranca dhe grupeve të tjera parlamentare me një logjike shumë të thjeshtë nëse duhet të zgjedhim presidenti e të gjithë shqiptarëve do të duhet të jetë një proces konsensual. Që të jetë një proces i suksesshëm duhet që Presidenti të zgjidhet në tre raundet e para dhe duhen 84 vota. Dhe që të marr 84 vota Presidenti duhet të zgjidhet me një konsensues sa më të gjerë brenda Parlamentit”, tha ai.
Alibeaj shtoi se, deri më tani kemi qenë në pritje të qëndrimit që do të mbante mazhoranca ndaj qëndrimit tonë që President të zgjidhet në tre raundet e para, propozimi të jetë i opozitë, për të qenë një proces jo fars. Jemi në pritje të qëndrimit të mazhorancës.
“Nuk duhet që presidenti të zgjidhet me 71 vota. Ky proces i propozuar nga ne si grup parlamentar është i hapur për diskutime për t’u pasuruar”, tha ai.