Pas përfundimit të mledhjes së Konferencës së Kryetarëve, kreu i i Grupit Parlamentar Enkelejd Alibeaj dha një prononcim për gazetarët lidhur me propozimin e Taulant Ballës për të diskutuar veç në lidhje me emrat e mundshëm për President të Republikës, gjë që është prezantuar më parë si platformë nga demokratët.
Alibeaj u shpreh lidhur me këtë propozim se ata po marrin pjesë në proces ashtu siç parashikon Kushtetuta.
Alibeaj theksoi se në fillimisht duhej të caktoheshin kriteret e përzgjedhjes në mënyrë që personi që do të zgjidhej të kishte dinjitet dhe jo të shkohet direkt për te emri. Këta kanë qëllimin për të shtyrë ditët, për të trazuar ujërat dhe pastaj ta zgjedhin me votat e tyre.
Gjatë mbledhje së Konferencës së Kryetarëve, Balla tha se Presidenti nuk zgjidhej me letra siç çonte Alibeaj por duke u ulur dhe duke diskutuar nga afër.
Balla i kërkoi atij që të merrte të vetët dhe të shkonte të negocionet me të, Gjiknurin dhe Spiropalin për të dalë në një emër të pranueshëm. Ndërkohë, demokratët theksojnë se duhet të jenë ata që propozojnë emrin e Presidentit dhe jo të bëhen fasadë e procesit, në mënyrë që pastaj Rama ta zgjedhë kreun e shtetit me votat e tij në raundin e katërt dhe të pestë.