Një rast shumë i dhimbshëm dhe prekës është transmetuar në emisionin “Shqiptarët për shqiotarët” në Abc News. Ajo është historia e Jonidës, një e re 25-vjeçare dhe nënë e një djali të vogël, por sëmundja e kancerit po i’a vështirëson dhe shkurton jetën. Pavarësisht situatës së keqe shëndetësore në të cilën ndodhet, Jonida është shprehur se ëndrra më e madhe e saj në këtë jetë dhe qëllimi i saj primar është të mos linte jetim të birin.
Shqiptarët bamirës s’mund të linin një nënë 25 vjeçe në baltë. Brenda javës, shuma e nevojshme për të kryer ndërhyrjen kirurgjikale u mblodh. Kur Jonida mësoi lajmin, një fije shprese i mbushi zemrën.
“Sot do të nisem për spital, nesër kam operacionin. Nuk e prisja se do të mblidhej fondi për një javë. I falenderoj të gjithë, ju që keni bërë një punë të palodhur. Ëndërr më të madhe kam që të shoh tim bir të bëhet dikush në jetë. Këtë vit kam në mendje ta çoj në kopësht djalin, e më pas në shkollë… unë djalin nuk dua ta lë vetëm, ai është forca që më bën të shkoj në atë operacion, ishalla ia arrij, ia dal mbanë.”-tregoi 25 vjeçarja.
Tashmë erdhi momenti që Elsa të niset drejt spitalit. Ndarja nga i biri, është një moment tejet prekës, ndërsa vogëlushi nis të thërrasë nënën, kur kupton se ajo po largohet.