Ditën e sotme, para nisjes së seancës plenare, në ambientet e jashtme të Kuvendit të Shqipërisë kishin dalë prfaqësues të Shqipërisë Civile së bashku me ambientalistin Sazan Guri me qëllim për të protestuar për administrimin e nënzonave të trashëgimisë kulturore dhe peisazhit kulturor.
Kjo pasi sot në parlament do të shqyrtohet projektligji i hartuar për këtë gjë, pra për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit, ndërmjet Ministrisë së Kulturës dhe Fondacionit për Menaxhimin e Butrintit.
Protestuesit kërkuan shtyrjen e projektligjit për miratimin e kësaj marrëveshjeje
Në fotot e siguruara nga LSA para nisjes së seancës, ambientalisti Guri shihet teksa kërkon të flasë me deputetin e PS-së Pandeli Majko.
Por me sa duket, ky i fundit është me nxitim për në seanca dhe ia bën me dorë Gurit për t’i treguar se po vazhdon rrugën.
Përfaqësuesit e Shoqërisë Civile i bënë thirrje deputetëve që të mos e votojnë projektligjin.
