Kryebashkiaku i Tiranës, Erion Veliaj u shpreh se kreu i PD-së, Sali Berisha dhe presidenti Ilir Meta nuk i kanë dhënë asgjë Tiranës dhe vendit këto 30 vite, edhe pse kanë qenë më shumë se të gjithë në poste drejtuese.
“Ai nuk preferon beteja të vërteta, megjithatë nëse do të kishte burrërinë të futej në një betejë të vërtetë, do të kishte ballafaqim. Mund të përmendim betejën për shkollën ‘Sami Frashëri’, apo Astirin. Tirana tashmë është Kryeqyteti i Rinisë, sot priti kupën dhe tani finalen e UEfA-s. Pyetja për Saliun dhe Ilirin është çfarë bënë për Tiranën, çfarë do t’i ofrojnë Tiranës. Në 30 vitet e fundit kanë drejtuar më shumë këtë qytet dhe këtë shtet, shpresoj ta mbajë fjalën, duhet të kemi 10 shkolla që do të hapim, përfshirë edhe ‘Sami Frashërin’, sot është momenti për votuesit e Saliut dhe Ilir Metës të reflektojnë”, tha Veliaj.