Efektivi Ludian Zaimi, i cili para disa ditësh vrau me armën e shërbimit kolegun e tij Caush Saliasi në ambientet e komisariatit nr.3 në kryeqytet është lënë në arrest me burg nga gjykata e Tiranës. Ngjarja e rëndë ndodhi mbrëmjen e së hënës, në prani të kolegëve të tyre.
Kujtojmë se në dëshminë e tij ditën e ngjarjes, autori 25-vjeçari, ka shprehur pendesë dhe ka deklaruar se mes tij dhe viktimës ka pasur sherre dhe përplasje të mëparshme dhe gjithmonë është fyer nga kolegu i tij.
“Përshëndetje, ju njoftoj se lidhur me masën e sigurimit te zhvilluar, është vendosur masa e sigurimi “arrest ne burg”, thuhet në njoftimin e sotëm të gjykatës.