Deputeti i Partisë Demokratike Belind Këlliçi shprehet se zgjedhjet e anëtarëve të kryesisë së Partisë Demokratike, të cilat do të zhvillohen nesër, do të plotësojë këtë organ dhe do të shënojë dhe përfundimin e mandatit të Komisionit të Rithemelimit.
“Për momentin në një farë mënyre do të kompletohet dhe organi i dytë më i rëndësishëm i partisë që është Kryesia duke çuar në këtë mënyrë në përfundimin e mandatit të Rithemelimit, e cila ka mandat deri në formimin e Kryesisë së Partisë Demokratike. Pastaj në një hap të dytë do të bëhen zgjedhjet për nënkryetarë, sekretarin e përgjithshëm dhe sekretarëve të përgjithshme në Partinë Demokratike”, tha Këlliçi.
Këlliçi ditën e nesërme do të jetë kandidat për Kryesinë e Partisë Demokratike, por nuk dha shumë detaje të mëtejshme rreth kësaj.
“Padiskutim që gjykoj që duhet të ketë një qarkullim brezash, duhet të ketë një brez të ri që vjen dhe promovohet dhe i jepet mundësia. Por unë nesër do të jem kandidat për Kryesinë e Partisë Demokratike dhe po kërkoj votën dhe mbështetjen e Këshillit Kombëtarë për këtë pozicion”, u shpreh deputeti.