Një punonjës policie ka aksidentuar një 38-vjeçare. Ngjarja ka ndodhur pasditen e kësaj të martë në Vlorë.
Efektivi, E. Sh., duke patrulluar në sektorin e shërbimit me motor, ka përplasur aksidentalisht J. M., në bulevardin e qytetit.
Nga kjo përplasje, ka mbetur e lënduar këmbësorja, si dhe një tjetër punonjës policie, i cili ndodhej si pasagjer në motor.
Të plagosurit ndodhen në spitalin Rajonal Vlorë, nën kujdesin e mjekëve.