Ish-kryeprokurorja e Tiranës Elisabeta Imeraj tha se apelimi i vendimit të KPK që e konfirmoi në detyrë nga ana e ONM ka qenë një proçes i stisur.
“Nuk mund t’i jepen lajme të rremë njerëzve. Unë i kërkova KPA pikërisht hetimin se kush i nxorri lajmet e rreme për mua. Unë jam dakord që të mbaj përgjegjësi. Por që të bazohet mbi denoncimi anonime, mbi një tymnajë të një apelimi të stisur dhe pastaj të shkarkohesh për 3 kriteret kjo është shumë për mua. Apelimi është bërë mbi këto denoncime. Unë edhe pas konfirmimit në KPK kam depozituar kallëzim penal në organe për të gjitha pretendimet, për përgjim, për shantazhin. Të sqarohej gjithçka”, tha ajo.