Erion Veliaj u prezantua dje zyrtarisht nga PS-ja për një mandat të dytë në krye të Bashkisë së Tiranës.
Prezantimi i tij para përkrahësve socialistë në sheshin “Nënë Tereza” u shoqërua edhe me 100 kandidatët për këshilltarë bashkiakë.
Nga një vëzhgim që ka bërë tirananews.al, bie në sy se për herë të parë socialistët kanë zgjedhur një strategji krejt ndryshe për zgjedhjen e kandidaturave për anëtarë në Këshillin Bashkiak.
Rezulton se mes 100 këshilltarëve, janë edhe 8 zv. ministrja një numër rekord ky. Me sa duket mazhoranca po mendon paralelisht me forcimin e zërit të saj në Këshillin bashkiak, edhe rritjen politikisht të figurave të tilla, të cilët mendohen që që në të ardhmen të marrin më shumë përgjegjësi jo vetëm në PS, por edhe në drejtimin e qeverisë në të ardhmen.
Një prej kandidaturave të përzgjedhur është edhe zv. ministri i Financave dhe Ekonomisë, Dajna Sorenson. Znj. Sorensen mban gradën Master në Ekonomiks nga Universiteti i Guelph, në Ontario, Kanada. Ka përfunduar studumet e larta në Ekonomiks, pranë Western Washington University, në Shtetet e Bashkuara të Amerikës. Gjate periudhës 2009-2017 ka menaxhuar një sërë projektesh / programesh në fushën e punësimit dhe arsimit e formimit profesional pranë Organizatës së Kombeve të Bashkuara për Zhvillim (UNDP). Gjithashtu, Znj. Sorensen ka qenë pedagoge e brendshme pranë Departamentit të Ekonomiksit. Në muajin Tetor është emëruar zëvendësministër i Financave dhe Ekonomisë, përgjegjëse për fushën e punësimit dhe arsimit e formimit profesional.
Një tjetër kandidaturë është edhe zv. Ministri I Jashtëm dhe Europës Etjen Xhafaj, një figurë e re politike. Në Korrik 2016- Qershor 2017 ka qenë Drejtor Kabineti i Ministrit të Financave, kurse në Shtator 2013- Korrik 2015 Drejtor Kabineti i Ministrit të Zhvillimit Ekonomik, Turizmit, Tregtisë dhe Sipërmarrjes, shkruan tirananews.al.
Por numrin më të lartë të zv/ ministrave që priten të jenë anëtarët e rinj të Këshillit Bashkiak të Tiranës janë zgjedhur prej Ministrisë së Brendshme. Nga katër zv. Ministra, 3 prej tyre janë future në listat për këshill. Rovena Voda, Julian Hodaj dhe Besfort Lamallari priten q ëtë jenë Brenda listave fituese për anëtarë të Këshillit Bashkiak të Tiranës.
Një tjetër kandidaturë vjen nga Ministria e Turizmit dhe Mjedisit, sikurse është zv. Ministrja Ornela Çuçi. Para se të merrte këtë detyrë, ajo ka qenë që prej vitit 2016, Këshilltare e Kryeministrit mbi çështjet mjedisore dhe Koordinatore Kombëtare për menaxhimin e integruar të mbetjeve urbane.
Një tjetër emër i futur në listat e kandidaturave për Këshill është dhe zv.ministri i Drejtësisë, Toni Gogu. Toni Gogu është një pastor i njohur në Tiranë mes besimtarëve protestantë. Ndërsa më herët, Gogu ka punuar si drejtor në Bankën e Shqipërisë në sektorin e depozitave.
Kurse kandidatura tjetër është zv. ministrja e Shëndetësisë, Bardhyka Kospiri e cila pritet që të sjellë një zë më të fortë në këtë këshill për njerëzit me aftësi të kufizuara. / tirananews.al