Një plagosje ka ndodhur këtë pasdite në qytetin e Korçës. Mësohet se Sokol Duro ka mbetur i plagosur pas një konflikti çasti me një person me inicialet E.B.
Dyshohet se sherri mes dy personave ka ndodhur për një femër. Sipas raportimeve, 46-vjeçari është qëlluar me sende të forta ndërsa aktualisht ndodhet në spital. Policia ka ngritur pika kontrolli për të bërë të mundur kapjen e autorëve.
Njoftimi i Policisë
Më datë 01.06.2022, rreth orës 19:30, jemi njoftuar se në lagjen nr.13, Korçë, rruga “1 Maji”, gjatë një konflikti, shtetasi E. B., dyshohet se ka dëmtuar me mjet të fortë në trup shtetasin S. D., rreth 46 vjeç, i cili aktualisht ndodhet në Spitalin e Korçës nën kujdesin e mjekëve.
Nga ana e Policisë janë ngritur pika kontrolli me qëllim kapjen e autorit të dyshuar E. B. Grupi hetimor po punon për sqarimin e rrethanave të ngjarjes.