Një agresion i dhimbshëm dhe barbar. Një shqiptar ka sulmuar një klient në një lokal në jug të Trentos për t’i grabitur atij gjëra me vlerë rreth 50.00 euro. lavocedeltrentino shkruan se sulmi ishte shumë i dhunshëm dhe se grabitësi ka kafshuar një pjesë të madhe të veshit të viktimës. Ai nuk u kufizua në këtë akt brutal por më pas e ka shtrënguar nga qafa deri sa ka rënë pa ndjenja. Më pas e ka goditur me grusht në kokë dhe fytyrë. Vetëm ndërhyrja e klientëve dhe e disa kalimtarëve që kaluan në zonë, shmangën më të keqen.
Një hetim bëri të mundur identifikimin dhe kapjen e autorit. Për të, Prokurori Publik ka kërkuar dhe marrë masën e paraburgimit nga gjyqtari për hetimet paraprake.