Policia e Shkodrës bën të ditur se ka vënë në pranga bashkëpunëtorët e autorit të vrasjes së Nardi Poliaj, i njohur si Nardi i Bujtinave.
Në saj të operacionit të koduar “Step by Step”, janë vënë në pranga – G. T., 26 vjeç, banues në lagjen “Skënderbeg”, K. T., 29 vjeç, lindur dhe banues në lagjen “Skënderbeg”, A. M., 20 vjeç, banues në fshatin Bardhaj, Shkodër. Si dhe është shpallur në kërkim autori K. S., 27 vjeç dhe po punohet për gjetjen dhe kapjen e tij.
Pas hetimeve intensive të p[olicisë, rezulton se këta persona dyshohen se drejtpërdrejt me veprimet e kryera kanë mbështetur me logjistikë dhe armatim, ndjekur, strehuar, organizuar dhe kryer në bashkëpunim këtë vrasje.
Pas një pune intensive, ndjekjeje me metodat speciale të hetimit, u bë sigurimi i provave materiale dhe shkencore të cilat çuan në dokumentimin ligjor të kësaj ngjarje. Gjatë veprimeve hetimore u bë e mundur sekuestrimi i automjetit i cili është përdorur nga autorët për ndjekjen e viktimës, orientimin e ekzekutorit, kryerjen e vrasjes, djegien e motorrit dhe largimin bashkë me ekzekutorin.
Gjatë këtij operacioni janë sekuestruar 7 telefona, 17 fishekë të kalibrave të ndryshëm, targa të ndryshme automjetesh shqiptare dhe të huaja dhe dokumenta të ndryshme. Vijon puna për zbardhjen e plotë të ngjarjes si dhe mbi motivin e kësaj ngjarje dhe identifikimin e personave të tjerë të përfshirë.
Materialet i kaluan Prokurorisë Pranë Gjykatës së Shkallës së Parë Shkodër, për veprën penale “Vrasje me paramendim e kryer në bashkëpunim” dhe “Prodhimit dhe mbajtes pa leje të armëve dhe municioneve luftarake”, parashikuar nga nenet 78-25 e 278 të Kodit Penal.
Ngjarja
Nard Polia u ekzektua më 20 mars me armë zjarri. Ai dhe vëllai i tij u kthyen nga Italia në vitin 2010 dhe ndërtuan një bujtinë me duart e tyre. “Kthimi ishte vendimi më i mirë që kemi bërë ndonjëherë”, thoshte Nard Polia.
Turizmi që sollën vëllezërit Polia e bëri jetën edhe më të lehtë në Theth.
Vendasit mund të përballojnë përdorimin e minibuseve që mbledhin turistë nga Shkodra. Fshati tani ka një dyqan të vogël, një klinikë dhe një shkollë.