Tre shqiptarë kanë rënë në prangat e policisë italiane, pasi janë kapur me kokainë dhe marijuanë që kapte vlerën e 1 milionë eurove.
Sipas autoriteteve italiane, droga kishte si destinacion të shitej në lokalet e natës në Cagliari dhe zonën e bregdetit Poetto.
Personat që u arrestuan janë 42, 34 dhe 41 vjeç.
Hetimet e kryera nga policia italiane nisën pas një raportimi për lëvizje të çuditshme të disa personave në një pallat në Viale Sant’Avendrace.
Policia bastisi shtëpinë ku gjetën një çantë shpine e mbushur me drogë. Gjithashtu u sekuestruan celularë, bileta avioni, shënime me emra dhe materiale të tjera.