Përfundoi të dielën peticioni i nisur nga kryetari i komunës së Mitrovicës, Agim Bahtiri, që ka për bashkimin e Mitrovicës. Këtë e konfirmoi vetë Bahtiri, i cili shtoi se janë mbledhur mbi 10 mijë nënshkrime. Kryetari i komunës tregoi se këtë peticion e kanë nënshkruar edhe serbët.
“Peticioni ka përfunduar të dielën. Nënshkrimet kanë kaluar diku numrin 10 mijë. Mendoj që kanë qenë shumica e qytetarëve të cilët e kanë nënshkruar këtë peticion. Pra qytetarët e gjithë Mitrovicës, ka edhe serb që kanë nënshkruar këtë peticion.” tha Bahtiri. Kjo iniciativë nuk e ka gjetur përkrahjen e krerëve institucional, madje kryeministri Ramush Haradinaj e ka cilësuar atë si një lojë.