Franc Malo dhe Gentjan Meta, të njohur me pseudonimet “Barbas” dhe “Pelado”, janë dy shqiptarët më të kërkuar nga policia peruane për 2.2 tonë kokainë të kapur në këtë shtet disa ditë më parë me destinacion Holandën.
Sipas mediave peruane, ata kanë hyrë legalisht në Peru, duke u paraqitur si turistë, përmes Ekuadorit, me qëllim financimin, si dhe për t’u kujdesur për logjistikën e koordinim për dërgimin e më shumë se dy tonëve kokainë, e kamufluar në formë të lëngshme në kanaçe asparagusi, me vlerë 160 milionë dollarë.
Ata kanë qëndruar në një hotel luksoz, që ndodhet në urbanizimin ekskluziv të El Golf.