Lagja e re “5 Maji” po merr formë çdo ditë e më shumë. Puna po vijon jo vetëm në ndërtimin e pallateve të reja, por njëkohësisht edhe në asfaltimin e rrugëve dhe sistemimin e ambienteve të përbashkëta.
Vepër e një prej arkitektëve më të njohur Stefano Boeri, Lagja “5 Maji” do ketë rreth 3500 apartamente për 11 mijë banorë, përfshirë parkimin, hapësira shërbimesh për çdo objekt banimi, 5 godina publike, 3 objekte arsimore, një shkollë profesionale, objekte të kultit, qendra franceze e edukimit të Teknologjisë Digjitale për rininë “ECOLE 42”.
