Edi Ramën, kryetari i Partisë Demokratike, Sali Berisha, e quan liderin më të dobët dhe më inferior në Europë, si edhe dënon retorikën fyese gjatë dhe pas Samitit të BE-së. Po ashtu Berisha thekson se gjuha e përdorur nga Rama, sjell kosto për Shqipërinë. Deklaratat e Berishës kanë bërë jehone në mediat bullgare.
“Rama, i klasifikuar nga politika, gazeta me influente në Bruksel dhe Washington si lideri më i dobët në Europë, është një politikan inferior, politikisht dhe intelektualisht, në rajon e më gjerë, i cili perpiqet te zëvendësoje mangesite e mëdha here me veshje bizare për protokollet zyrtare dhe herë të tjera me sharje, etiketime dhe me palaçollëqet e nivelit më të ulët të përfaqësisë së një vendi anëtar në NATO”.
Berisha akuzon Ramën si përgjegjësin kryesor për dështimin e Shqipërisë në rrugën europiane. Berisha deklaron se Edi Rama ka si prioritet Ballkanin e Hapur dhe jo Bashkimin Europian. Sipas tij, Rama dhe Vuçiç kërkojnë rikthimin e ish-Jugosllavisë.
“Ai dhe qeveria e tij, më të korruptuarit në Europë, janë të vetmit përgjegjës për JO-në e radhës nga BE-ja. Shqipëria përsëri nuk e mori dritën jeshile të anëtarësimit në Union dhe për këtë sigurisht që ka fajtorë. Kete ai perpiqet te mbuloje duke terhequr vemendjen me gjera te tjera. Kreu i shtetit shqiptar, Kolumbisë së Europës, vendi ku qeveria nuk zhvillon zgjedhje te lira ka për qëllim të tërheqë vëmendjen nga problematikat shkatërrimtare që ka sjellë në vend, duke bërë që mediat europiane dhe vendase të flasin për gjuhën e përdorur dhe jo arsyet reale përse Rames iu refuzua për të treten herë hapja e negociatave”.