Dy grupe shqiptarësh përleshen me shqelma dhe grushte në mes të aeroportit në Itali

Dy grupe shqiptarësh janë përfshirë në një sherr të dhunshëm në aeroportin e Umbrias në Itali. Ngjarja ka ndodhur  pasditen e së shtunës, ndërsa sot mediat italiane kanë publikuar edhe pamjet e rënda. Ka qenë ora 3 e pasdites, kur disa shtetas me origjinë shqiptare, të cilët shoqëronin bashkatdhetarët për të marrë fluturimin drejt Tiranës, janë takuar me një grup tjetër bashkatdhetarësh që ishin në radhë për check-in. Për arsye ende të paqarta, mes dy grupeve u ngrit një diskutim i zjarrtë i cili degjeneroi në një përleshje të dhunshme.