Në një takim me ekspertët shqiptarë e të huaj, me fermerët, agropërpunuesit, përfaqësues nga Shërbimi i Këshillimit dhe Qendrat e Transferimit të Teknologjive në vend, pedagogë dhe studentë nga Universiteti Bujqësor Tiranë, kryeministri Edi Rama ngriti shqetësimin për një dimër të ashpër dhe me mungesa të mëdha.
“Kriza që ne kemi sot para syve tanë, as është krijuar nga ne dhe as nuk mund ta ndalojmë ne. Është një krizë botërore. Sot flitet për një dimër të ashpër dhe mungesa të mëdha në disa zona të botës, ku ne nuk përfshihemi për momentin. Po ashtu edhe me rritjen e çmimit të energjisë dhe të naftës”, tha Rama.