Drejtorja e Operatorit të Kujdesit Shëndetësor në Shkodër, Suida Kuka ka qenë shënjestra e një atentati me tritol.
Persona ende të paidentifikuar vendosën një pako të dyshimtë pranë automjetit të Kukës, parkuar në lagjen “Vojo Kushi”.
Pakoja u gjet rreth orës 16:00 dhe u shpërthye në mënyrë të kontrolluar nga forcat xheniere, ku rezultoi se brenda kishte lëndë plasëse.
Dyshohet se sasia e tritolit u vendos nga një person me motor dhe kanë qenë kamerat e sigurisë ato të cilat kanë filmuar momentin e vendosjes së eksplozivit.