Një punonjës policie në Pogradec është shpallur në kërkim nga Agjencia e Mbikëqyrjes Policore, pasi dje përplasi me makinë një 13-vjeçar dhe më pas tentoi që fajin t’ia kalojë vëllait.
Nënkomisari A. A. ishte duke drejtuar automjetin e tij dhe ka aksidentuar të miturin me iniciale O.S, i cili pasi ka marrë mjekim në spitalin Korçë është larguar për në banesë.
Gjithashtu, pas mbërritjes së shërbimeve të policisë në momentet e para të aksidentit, si drejtues i mjetit u paraqit shtetasi M. A., vëllai i efektivit, por pamjet filmike vërtetuan të kundërtën.
Efektivi i policisë do të përballet me drejtësinë për akuzat “Shkelje e rregullave të qarkullimit rrugor” dhe “Largimi nga vendi i aksidentit”.