Presidenti i Turqisë, Recep Tayyip Erdogan deklaroi se është i gatshëm të miratojë rikthimin e dënimit me vdekje në rast se Parlamenti do t’i dërgojë atij një projektligj për këtë çështje. Kjo deklaratë artikulohet pasi një person i vuri flakën pyjeve bregdetare të Egjeut.
“Nëse është e nevojshme, kjo duhet të kthehet në axhendë dhe të kthehet në një debat. Ne duhet të shohim se çfarë do të vijë nga ky debat…E thashë edhe më parë, nëse parlamenti merr një vendim të tillë si rezultat i punës së Ministrisë sonë të Drejtësisë, unë do ta miratoj këtë vendim”, mësohet të ketë thënë lideri turk për “NTV”.
Sakaq, edhe ministri i Drejtësisë, Bekir Bozdag u shpreh pak ditë më parë se Turqia do ta konsideronte rikthimin e ligjit që është shfuqizuar që në vitin 2004.