Gjatë inspektimeve të aksit më të ri që i është shtuar infrastrukturës në jug të vendit, Kardhiq-Delvinë, kryeministri Edi Rama njoftoi edhe projekte të tjera infrastrukturore që pritet të përfundojnë në muajt e ardhshëm.
Shefi i qeverisë u shpreh se radhën e përfundimit të projektit e ka Bypassi i Vlorës, i cili pritet të hapet në 7 korrik.
Ai gjithashtu theksoi se do të nisë puna për “Korridorin Blu” që nis nga Murriqani dhe përfundon në Fier.
“Tjetra është Llogoraja dhe do të hapim Bypassin e Vlorës. Bypassi i Vlorës hapet në datën 7 dhe pastaj fillon “Korridori Blu”, me të gjitha lotet – Murriqan, Milot, Balldren, Thumanë, Kashar, Rrrogozhinë, Lekaj, Fier”, u shpreh Rama.