Fermerët e Çermës dolën përsëri në protestë, pasi ankohen se shalqirin po e shesin nën kosto. Kësaj proteste të hënën ju bashkuan edhe fermerët e Imshtës në bashkisë e Lushnjës.
Ata ankohen se çmimi me të cilin po e sheshin 80 lekë për kilogramë është mjaft i ulët dhe në këtë mënyrë nuk mund të nxjerrin dot as kostot e prodhimit.
Në mbështetje të fermerëve u bashkua edhe deputeti i zonës, deputeti socialist Erion Braçe i cili akuzoi tregtarët e pikave të grumbullimit se kanë rënë dakord për të blerë prodhimin me një kosto të ulët në dëm të fermerëve.
Përgjegjës për këtë situatë Braçe bëri edhe qeverinë e tij socialiste dhe konkretisht Ministrinë e Financave. Deputeti propozoi që shteti të ndërtojë pika grumbullimi duke ja hequr monopolin tregtarëve privatë.