Këngëtarja e mirënjohur Aurela Gaçe, e ftuar në emisionin “1 kafe me Labin” ka folur për jetën e saj personale dhe profesionale. Teksa u pyet nga moderatori se me cilin ose cilën nga koleget nuk flet, Aurela nuk zgjodhi të japë një emër konkret.
“Nuk kam kolegë që nuk flas. Mbase nuk kam shoqëri apo raporte miqësore me disa, por me kolegët që kam punuar jam shumë mirë me të gjithë.Ka pasur momente që i kam treguar vendin, apo keqkuptime të vogla, po unë jam nga ato natyra që ta them në sy, por nuk mbaj inat, fal”, ka thënë ajo.