Aktori Rezart Veleshnja ka publikuar disa orë më parë një grup videosh ku shfaqet duke kënduar kolegu i tij në ‘Portokalli’, Gaz Paja. Video në fjalë është shkëputur nga një prej puntatave të fundit të spektaklit të humorit. Talenti për të kënduar i aktorit të njohur ka rënë në sy prej shumë kohësh, por së fundmi është bërë edhe më i pranishëm se dikur në skeçet e tij. Për këtë pjesë Rezarti ka vendosur të japë opinionin e tij duke shprehur respektin për kolegun. “Ja pra ku një aktor që di të këndojë si një këngëtar i vërtetë, por nuk e shfrytëzon atë për biznes, por e ka në shërbim të aktrimit. Bravo”,-shkruan ai krahas videove.
Gaz Paja e ka të trashëguar dashurinë për artin nga i ati, Luftar Paja, një nga aktorët më të suksesshëm në historinë e kinematografisë dhe humorit shqiptar.
