Kryetarja e LSI-së Monika Kryemadhi u bëri thirrje socialistëve të zhgënjyer që të marrin pjesë në protestën e 7 korrikut. Kryemadhi e ftuar në “MCN”, thotë edhe se njerëz pranë Lulzim Bashës janë paguar me paratë e incerenatorëve dhe se për të, kjo është një skemë e lejuar nga Rama për paratë e drogës.
“Ka faturime të Klodian Zotos në kompani pranë z.Bashës. Janë kthyer në vila dhe biznese të tjera. Ne do t’i çojmë në SPAK. Skema e inceneratorëve u përdor për blerjen e votave Fier, Durrës dhe Tiranë.
Kjo po të ishte një skemë e thjeshtë do të ishte kapur nga të gjithë por kjo nuk është një skemë thjeshtë. Kjo është një skemë mafioze. Prandaj unë them që është një grup i strukturuar kriminal dhe ekonomik dhe financiar.
Kjo është një skemë mafioze që funksionin për ta grabitur paratë nga buxheti i shtetit nga njëra anë është dhe për të futur dhe injektuar në ekonominë shqiptare para të krimit dhe të drogës. Këtu është vullneti prokurorisë. A ka vullnet prokuroria për të hetuar kompanitë ku kanë bërë blerjet? Ku i kanë blerë frutat ujin, ushqimet? Dhe nga kanë ardhur këto fatura që kanë të magazinuar AM CO & CO ka 18 milionë dollarë të magazinuara”.