Enkelejd Alibeaj, duke komentuar situatën aktuale në Partinë Demokratike, ai u ndal te ish-kryeministri Sali Berisha, për të cilin tha se po përdor një gjuhë të helmët kundër atyre që mendojnë ndryshe nga ai.
Ai kujton se dikur Berisha e shpalli armik edhe Fatos Nanon, por më pas u puth me të.
“Revanshi dhe gjuha e helmët e Sali Berishës ndaj atyre që mendojnë ndryshe nga ai, nuk e bën atë të ndryshëm nga Sali Berisha që bënte paqe dhe marrëveshje me Fatos Nanon dikur. Në tjetër i shpallur ‘armik’ i madh, me të cilin u puth pa të keq më pas. Veçse këtë herë, me një PD që e përçau dhe sakatoi, siç deshi dhe për aq sa e do, e vetmja fitore e Sali Berishës është ajo ndaj ‘armiqve të brendshëm’, si në komunizëm. Është e qartë për çdo qytetar se rruga për largimin e Edi Ramës nuk kalon nga përçarja e opozitës por vetëm drejt bashkimit të saj! Bashkimit rreth vlerave të qytetarisë politike.”