Vajza e një politikani nga Maqedonia e Veriut u arrestua në Mykonos për pjesëmarrje në një organizatë kriminale.
Banda nga Shkupi, e cila vëzhgohej prej kohësh nga policia, kishte role të dallueshme.
Një 34-vjeçar drejtonte bashkëpunëtorët e tij se ku të ruanin drogën dhe si ta bënin atë të disponueshme në treg duke grumbulluar paratë nga shitjet, ndërsa krahu i tij i djathtë, një 35-vjeçar, me ndihmën e influencueses 21 vjeçe, babai i të cilës është politikan, kishte marrë përsipër të identifikonte klientët.
“Karteli” po përgatiste valixhet për t’u larguar nga vendi ku ishin, me qëllim që të humbnin gjurmët. Në hetimet që kryen u gjetën dhe sekuestruan drogë: 437 tableta droge XTC, 220,3 gram kokainë, 270,9 gram metamfetamin, 159,4 gram kanabis, ndërkohë që vijojnë hetimet për identifikimin e personave të tjerë të përfshirë në grup.
Gjatë operacionit policor, autoritetet arrestuan edhe një DJ libanez, i cili ishte klient i kartelit të Shkupit.