Korriku nisi me një rritje të lartë të rasteve të reja nga Covid-19, ndaj dhe Ministrja e Shëndetësisë, Ogerta Manastirliu, thotë se Shqipëria do të duhet të përgatitet për një valë të re të koronavirusit.
“Puna jonë duhet të jetë e fokusuar sepse duhet të përgatitemi për të nesërmen. Ashtu sikurse është alertuar edhe nga Organizata Botërore e Shëndetësisë, vjeshta mund të vijë me një valë të re të covid19 dhe varianteve të reja të Omicron.
Ndaj ne duhet të bëhemi gati që t’i përballojmë të gjitha ato emergjenca që mund të vijnë në të ardhmen, duke qenë të përgatitur dhe duke ndërtuar kapacitetet dhe duke i fuqizuar ato”, tha Manastirliu gjatë inspektimit të punimeve në Spitalin Infektiv.