Kreu i Partisë Demokratike, Sali Berisha, i ftuar këtë mbrëmje në emisionin “Open” deklaroi se ka një “betejë jetë a vdekje’ për t’i bërë qytetarët shqiptarë që të votojnë të lirë.
Pjesë nga biseda në studio:
Sali Berisha: Edi Rama e shkeli marrëveshjen, nuk pyeti, nuk pyet Rama, nuk njeh asnjë standard
Arion Sulo: Ju duhet ta keni konkurrent jo armik
Sali Berisha: Është armik i votës… kam një betejë për jetë e vdekje t’i bëj qytetarët të votojnë të lirë
Arion Sulo: Me ramën s’ka zgjedhje të lira
Sali Berisha: Jo s’ka, atëherë Rama do ikë
Eni Vasili: Si? Revolucion?
Sali Berisha: Se si e tek do përcaktohet, por kjo është absolute, Rama votë shqiptarëve s’do mund t’u shkelmojë më… po them o do votojnë shqiptarët të lirë ose ne si forcë do shuhemi, ose Rama do ikë
Arion Sulo: Me Ramën s’futeni në zgjedhje
Sali Berisha: Jo nuk them hyjmë a jo, por them që Rama po preku votën, i them se s’do ta prekë më kurrë. I them se është një armik i egër i qenies shqiptare përderisa u prek votën. A po e shpik unë këtë. Strategjia, ne do dëshironin strategjinë paqësore, por do përdorim të gjitha metodat e mosbindjes civile.