Mëngjesin e sotëm, një 28-vjeçar është gjendur i pajetë nga familjarët e tij në vendin e quajtur “Ujëmbledhësi i centralit të vjetër” në fshatin Çidhën të Dibrës.
Viktima banues në fshatin Çidhën vuan nga problemet e shëndetit mendor, ndërsa në deklaratat e familjarëve dyshohet se ai është mbytur në ujëmbledhësin e centralit.
Njoftimi i Policisë
Informacion paraprak/Më datë 12.07.2022, rreth orës 06:45, në vendin e quajtur ‘Ujëmbledhësi i centralit të vjetër’, në fshatin Çidhën, është gjetur nga familjarët, pa shenja jete, shtetasi B. T., 28 vjeç, banues në fshatin Çidhën, Dibër, i cili vuan nga probleme të shëndetit mendor.
Nga deklarimet paraprake të familjarëve, dyshohet se shtetasi B. T. është vetëmbytur në ujëmbledhësin e centralit.
Grupi hetimor vijon hetimet për zbardhjen e rrethanave të ngjarjes.