Një 12-vjeçare është sulmuar me thikë nga i dashuri i saj. Ngjarja ndodhi në Napoli, orët e para të mëngjesit të kësaj të marte.
Pas një zënke që patën për arsye xhelozie, autori, 17-vjeçar e qëlloi të miturën me një një thikë në fytyrë, duke i shkaktuar plagë të thella.
E mitura u transportua në spitalin Pellegrini në Pignasecca. “Ajo po humbte shumë gjak, kush e plagosi mund ta vriste. Vajza është shpërfytyruar”, thanë nga qendra shëndetësore.
Policia vijon kërkimet për kapjen e 17-vjeçarit, i cili u arratis menjëherë pasi kreu krimin.
Sipas disa dëshmitarëve, 12-vjeçarja ishte duke ecur nëpër rrugët e lagjes pavarësisht orës së vonë. Ajo u takua me ish-të dashurin e saj dhe për arsye të paqarta ende, mes të dyve filloi një diskutim, i cili më pas kulmoi me goditjen me thikë.