Bimë kanabisi janë gjetur në fshatin Palç, ku si rezultat janë arrestuar dy persona, 53-vjeçari Ndue Ndoja dhe 19-vjeçari Amarildo Ndoja, babë e bir dhe banues në lagjen Kotec të këtij fshati.
Babë e bir, në bashkëpunim me njëri-tjetrin, dyshohet se kanë kultivuar bimë narkotike në territorin e fshatit Palç.
Po ashtu nën hetim është vënë kryetar i fshatit, 33-vjeçari me iniciale S.P., për veprat penale “Shpërdorimi i detyrës” dhe “Moskallëzimi i krimit” si dhe 65-vjeçari me iniciale Gj. P., me detyrë inspektor i pyjeve dhe mjedisit.
Materialet procedurale iu referuan Prokurorisë pranë Gjykatës së Shkallës së Parë Tropojë, për veprime të mëtejshme.