Një i ri nga Vlora ka humbur kontaktet me familjen prej dy ditësh. Policia bën me dije se 24-vjeçari është larguar nga shtëpia, dhe se nuk është kthyer më duke alarmuar familjarët.
Nëna e tij ka shkuar në polici për të denoncuar humbjen e tij duke kërkuar nga blutë e Vlorës që t’ia gjejnë djalin.
“Më datë 14.07.2022, shtetasja R. Q., 60 vjeçe, ka kallëzuar se ka humbur kontaktet me djalin e saj, shtetasin B. Q., 24 vjeç, banues në Vlorë. Punohet për gjetjen e tij”, bën me dije policia.
Vlora njihet si qyteti ku mjaft të rinj kanë humbur kontaktet me familjen dhe janë të zhdukur prej disa vitesh.