Një turist ka ndërruar jetë në majat e thepisura të Valbonës.
Gjatë paradites, policia e Tropojës njofton se ka marrë njoftim nga një turiste serbe, se në vendin e quajtur “Maja e grykave të hapura”, Valbonë, duke eksploruar zonën me një grup turistësh, njëri prej tyre, me inicialet G. S., kishte ndërruar jetë.
Dyshohet se viktima ka ndërruar jetë si pasojë e infarktit.
Për shkak të terrenit të thepisur, policia bën të ditur se ulja e helikopterit është e pamundur, teksa në vendngjarje kanë shkuar forcat e kërkim-shpëtimit.