Ka nisur ceremonia zyrtare e marrjes së detyrës nga Presidenti Bajram Begaj. Pas himnit kombëtar, në shenjë simbolike ka qenë kryetarja e Gjykatës Kushtetuese Vitore Tusha e cila i ka dorëzuar Presidentit Begaj kushtetutën e Republikës.
Kujtojmë se ceremonia e betimit të Presidentit të ri të Shqipërisë, Bajram Begaj në Kuvend zgjati rreth 20 minuta, ndërsa pas një fjalimi të shkurtër për t’iu drejtuar popullit, ku bëri thirrje për unitet dhe heqjen e vëmendjes nga ndasitë politike, Begaj nën shoqërimin e kryetares së Kuvendit, Lindita Nikolla u tërhoq në hollin e Kuvendit, ku qëndroi për më shumë se 30 minuta.