Në daljen e parë nga selia e LSI-së, pas 5 viteve largim për postin e Presidentit, Ilir Meta tha se ai rikthehet në terren me Partinë e Referendumit. Akuzat nuk i kurseu për Lulzim Bashën, për të cilin tha se u bë vegël e Ramës, dhe se futi në grackë edhe LSI-në.
“Partia e referendumit na pret, është partia e popullit të 2 marsit, kjo zgjidh çdo problem. Nuk jam këtu për të marrë drejtimin e LSI. Edi Rama mban peng integrimin e Shqipërisë në Bashkimin Europian. LSI ra në grackë, u bë shtojcë e pavetëdijshme e regjimit të Lulzim Bashës. Nuk jam në garë as me Berishën dhe as me Lulushin, kam që në 2 mars që i pres të bashkohen”.
I pyetur nëse do të bashkëpunojë me Sali Berishën, dha këtë përgjigje “Do bashkëpunojmë me çdo shqiptar të ndershëm patriot dhe demokrat të ndershëm, pas asnjë diskutim. Nuk jam në garë as me Berishën dhe skam qenë në garë as me Lulushin. Shqipërinë e ndryshon vetëm referendumi, është primare e primareve. Refrendumi tani është vetë Shqipëria, pasi është vënë në pyetje rezistenca e të ardhmes së vendit”.
Si ndiheni që nuk keni asnjë post?
Meta: Kam një pushtet të jashtëzakonshëm, kur dal në rrugë vonohem me takime, pushteti më i madh që dua është Referendumi, ua kam lënë Bashkitë nga Tirana në Skrapar.