Policia ka vënë në pranga autorin e plagosjes së një dite më parë të futbollistit Olsi Meraj. Sipas burimeve zyrtare është arrestuar F. K., 17 vjec.
Ngjarja ndodhi mbrëmjen e djeshme në rrugën “Taulantët” ku futbollisti u plagos me thikë. Të rinjtë kanë qenë duke luajtur e më pas u përfshin në një sherr mes shokësh.
Futbollisti u dërgua në spital, ku iu nënshtrua një ndërhyrjeje kirurgjikale.
Lexo edhe: Sherr me thika në Tiranë, plagoset futbollisti
NJOFTIMI I PLOTE
Policia arreston autorin e ngjarjes së ndodhur mbasditen e djeshme ku në rrugën “Taulantët”, u plagos me mjet prerës një 21-vjeçar.
Shërbimet e Policisë të Komisariatit Nr.3, arrestuan shtetasin:
F. K., 17 vjeç, banues në Tiranë.
Ky shtetas mbasditen e djeshme në rrugën “Taulantët” për motive të dobëta ka plagosur me mjet prerës shtetasin O. M., 21 vjeç, i cili ndodhet në spital nën kujdesin e mjekëve.
Materialet iu referuan për veprime të mëtejshme Prokurorisë së Rrethit Gjyqësor Tiranë në ngarkim të shtetasit F. K., për veprat penale “Plagosje e rëndë me dashje” dhe “Prodhim dhe mbajtje pa leje e armëve të ftohta”, parashikuar nga nenet 88 dhe 279 të Kodit Penal.