Ndryshimet në qeveri që u njoftuan ditën e sotme nga Edi Rama, sipas Blendi Klosit vijnë në kuadër të zhvillimeve të reja për vendin tonë. Duke qenë se janë vënë në vijë punët për rindërtimin pas tërmetit të nëntorit 2019, prioriteti i qeverisë është sfida me krizën e energjisë dhe çelja e negociatave.
“Kryeministri e shpjegoi qartë se ajo cfarë bëmë me përballimin e krizës së tërmetit nga dita e parë hyri në një fazë që gjërat janë vënë në vijë. Të gjithë kryetarët e bashkive raportuan për një përfundim të aksionit të madh qeveritar në harkun kohor të pak muajve dhe kryeministri përcakton 2 sfida shumë të vështira për qeverinë, si energjia dhe duhet të përballemi me këtë dhe pas hapjes së negociatave, tani nuk kemi një pritje por një punë të madhe që duhet bërë nga çdo sektor për të raportuar në kuadër të përafrimit. Këto 2 prioritete i dhanë orientimin e ri që të shkojnë në këto drejtime. Kjo është punë normale e një shteti që ndjek prioritetet e tij ndaj kërkohet riorganizim”, tha Klosi duke thënë se ndryshimet nuk kanë të bëjnë me asnjë hetim të SPAK për inceneratorët”, tha Klosi.