Në një diskutim mbi trashëgiminë kulturore, kreu i PD-së, Sali Berisha u shpreh se trashëgimia e vendit tonë ndodhet nën një agresion të fortë. Ai tha se e ka ndjekur çështjen e Butrintit, duke theksuar se modeli i menaxhimit është në konflikt të pastër interesi, duke apeluar që Fondi Amerikan i Zhvillimit të tërhiqet.
Berisha: Kultura është shtyllë kryesore e identitetit tonë. Trashëgimia është nënë një agresion të paparë qysh nga koha e diktaturës. E kam ndjekur edhe çështjen e Butrintit, ku çdo gjë është në konflikt të pastër interesi. Fondit Amerikan i them se ky është model invers që nuk duhet pranuar kurrë. Avokatja që ka përgatitur kontratën është anëtare bordi.
Nga plani i këtyre që kanë përfituar janë përjashtuar disa zona, pasi flitet vetëm për zonën A, atë arkeologjike. Plani i menaxhimit është bërë nga ai që fitoi tenderin. Juristja është autorja e kontratës. Pra, është ndërtuar gjithçka në bazë të konfliktit të interesit dhe përjashtohen specialistët tanë. Ai është një model që duhet anuluar. Fondi Amerikan, duhet të tërhiqet dhe të rishqyrtojë projektin! Butrinti është parku më i bukur në botë.