Sot shënohet 100 vjetori i marrëdhënieve diplomatike me SHBA, dhe padyshim që urimi nuk ka munguar nga Presidenti i SHBA-ve Joe Biden. Përmes një videomesazhi, Biden thekson edhe se mbështet Shqipërinë në rrugën drejt BE-së, dhe se do të punojë për këtë qëllim.
“Teksa festojmë marrëdhëniet mes SHBA dhe Shqipërisë, jam i lumtur për bashkëpunimin tonë. Sot Shqipëria dhe ShBA janë aleatë në NATO dhe ne shikojmë në të ardhmen SHBA do të vazhdojë të bashkëpunojë me Shqipërinë për të ndjekur rrugën drejt Bashkimit Evropian.
Shqipëria është gjithashtu mbështetëse e luftës në Ukrainë dhe dua të falenderoj njerëzit në Shqipëri për këtë mbështetje e për mikpritjen e tyre dhe do të vazhdojmë të mbajmë marrëdhëniet me ju të forta, të luftojmë të keqen për të ardhmen e fëmijëve tanë”.