Ylli i popit Sting e ka denoncuar luftën në Ukrainë si “një absurditet i bazuar në një gënjeshtër”.
Muzikanti ndërpreu një koncert në stadiumin kombëtar të Varshavës në Poloni të shtunën në mbrëmje për të paralajmëruar audiencën e tij se demokracia ishte nën sulm në mbarë botën.
Ai i kërkoi një aktori popullor polak, Maciej Stuhr, të dilte në skenë gjatë shfaqjes për të përkthyer paralajmërimin e tij se demokracia ishte “në rrezik të madh të humbte nëse nuk e mbrojmë atë”.
“Alternativa e demokracisë është një burg, një burg i mendjes. Alternativa e demokracisë është dhuna, shtypja, burgimi dhe heshtja,” tha Sting dhe më pas kaloi dorën në qafë në një gjest kapje fyti.
70-vjeçari tha gjithashtu: “Lufta në Ukrainë është një absurditet i bazuar në një gënjeshtër. Nëse ne e gëlltisim atë gënjeshtër, gënjeshtra do të na hajë”.
Ai duket se po i referohej justifikimeve që Rusia është përpjekur të japë për pushtimin e saj, duke përfshirë një pretendim se ajo po kërkon të “de-nazifikojë” Ukrainën, një demokraci e udhëhequr nga një president hebre.
Pas fjalës së tij këngëtari performoi Fragile, teksti i të cilit përfshin fjalët se “asgjë nuk vjen nga dhuna dhe asgjë nuk mundet kurrë”.