Është përcjellë për në banesën e fundit 7-vjeçarja, e cila u përplas për vdekje nga skafi në Himarë, mjet që drejtohej nga ish-shefi i komisariatit të Himarës, Arjan Tase.
Familjarë e qytetarë i dhanë sot lamtumirën e fundit vogëlushes mes dhimbjes e lotëve.
Ajo kishte ardhur së bashku me familjen e saj në Shqipëri për pushime, pasi prej vitesh jetonin në Angli.
Kujtojmë se autori i ngjarjes Arjan Tase ka deklaruar para efektivëve të policisë se skafi të cilin drejtonte ka marrë gaz në mënyrë të menjëhershme dhe ka bërë një rrotullim në vend, ndërsa ka mohuar zërat e qytetarëve të cilët pohuan se tentoi të largohej nga vendngjarja.