Duke marrë parasysh fluksin e lartë të pushuesve që përshkojnë këto akse me automjetet e tyre, Policia Rrugore ka zhvilluar kontrolle intensive në Vlorë dhe në Sarandë, për të evidentuar dhe ndëshkuar shkelësit.
Gjatë një jave janë arrestuar 5 drejtues mjetesh dhe janë proceduar në gjendje të lirë 4 tjerë, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Janë pezulluar 18 leje drejtimi, nga të cilat 10 për tejkalim të normave të shpejtësisë, 4 për drejtimin mjeti, nën ndikimin e alkoolit, dhe 4 për shkelje të tjera të Kodit Rrugor.
“Janë vendosur gjithsej 1339 masa administrative, nga të cilat:
– 193 masa për tejkalim shpejtësie;
– 46 masa për mosvendosjen e rripit të sigurimit;
– 52 masa për mosvendosjen e kaskës mbrojtëse;
– 14 masa për përdorimin e aparatit celular gjatë drejtimit të mjetit;
– 138 masa për parakalime të gabuara;
– 594 masa për ndalim/pushim të mjetit në kundërshtim me sinjalistikën rrugore dhe rregullat e qarkullimit;
– 302 masa për shkelje të rregullave të tjera të Kodit Rrugor”, thuhet në njoftim.