Një vatër zjarri është përhapur që prej mbrëmjes së djeshme në fshatin Dushkarak të Bashkisë Selenicë. Flakët kanë vijuar edhe sot, të favorizuara nga era dhe kanë djegur rreth 30 hektarë me shkurre, pemtari dhe ullinj.
Një banesë është djegur, ndërsa po punohet që flakët të mos afrohen drejt banesave të tjera.
Zjarrfikësja e Selenicës e ka të pamundur që vetëm me një mjet të shuaj flakët. Zjarrfikësit nga Vlora nuk janë të gatshëm për të shkuar në vendngjarje, pasi mjetet janë në vatra të tjera zjarri.