Prej një jave, forca të shumta të Bashkisë Mat, të Ushtrisë dhe Policisë janë angazhuar në shuarjen e zjarreve në Qafë Shtamë, në pyjet e Gërmanit dhe në Tollë, në Njësinë Administrative të Derjanit.
Megjithëse terreni ka qenë tejet i vështirë, specialistë dhe punonjës të Emergjencave Civile, Drejtorisë së Bujqësisë, zjarrfikës, forca të Ushtrisë Burrel e Tiranë, efektivë të Komisariatit të Matit u angazhuan maksimalisht për shuarjen e zjarreve në masivet pyjore të Matit.
Kryetari i Bashkisë Agron Malaj falenderon të gjithë personat e angazhuar ditët e fundit.
Postimi
Falë punës së shkëlqyer të Forcave të Armatosura ,Drejtorisë së Mbrojtjes Civile dhe Drejtorise te Bujqesise dhe Pyjeve #Mat u arrit të shuhet zjarri në
📍Malin e Qafshtamës dhe vargmalet e Skënderbeut si dhe zjarri i rënë në
📍Malin e Tolles në Fshatin Lami Madh.
Puna e bërë nga FA dhe Emergjencat Civile meriton të gjithë falenderimet tona, ashtu siç kërkon dhe vëmendjen e të gjithë neve që të jemi të kujdesshëm dhe të vëmendshëm e të përpiqemi sa më shumë të kujdesemi për vendin!
