Kreu i Partisë së Lirisë, Ilir Meta, gjatë takimit që po zhvillon këtë pasdite me strukturat dhe përfaqësuesit për Tiranë, nuk i ka kursyer ironitë teksa ka sulmuar kryeministrin Edi Rama për situatën që ka krijuar në kryeqytet, me ndërtimet e pallateve shumëkatëshe dhe asgjësimin e hapësirave të gjelbra, siç deklaron ai.
“Krijoji legjendën sikur e kishte prishur ky Parkun Rinia, pastaj te Parku i Elbasanit, më qepet si xhol nga pas, dhe më vjen atje tek ai rosaku ky, merrte kalamajtë e mi dhe dilte foto sikur po punonte për fëmijët. Tani që i ka të gjitha në dorë? Ç’a ka bërë? Një mal betoni. Gjysma e Tiranës këtej nuk e shikon më Malin e Dajtit, gjysma tjetër nuk shikon më Kodrat e Liqenit. Nuk shikohet më sepse ky ishte raporti i këtij me Tiranën, me të vërtetën, me gjelbërimin, hapësirat urbane, dhe me korrupsionin.
Ka alergji nga gjelbërimi, shikoni ca i ka bërë Tiranës, Durrësit, shikoni ca po i bën bregdetit të jugut. Vetë iku në Surrel sepse për mushkëritë e veta kujdeset, por për qytetarët është një xhelat i vërtetë”, tha Meta.