Dy persona sulmojnë policin në derë të shtëpisë në Dibër (Emrat)

Sot rreth orës 13.35, në lagjen Kamen, Peshkopi, shtetasit Dëfrim dhe Sakip Salkurti janë përfshirë në konflikt dhe kanë goditur me sende të forta duke i shkaktuar dëmtime shtetasit M.K. (punonjës policie me detyrë Specialist Zone) i cili ka qenë duke hyrë në portën e banesës së tij, raporton Tirananews.al

“Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij”, thanë zyrtarë të Policisë Peshkopi.

Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.
Nuk dihen ende rrethanat e ngjarjes së rëndë.